O 2022 foi declarado Ano Internacional de María Casares e, dende Tecendo Identidade(s), queremos renderlle a nosa particular homenaxe a unha actriz de culto en Francia que nunca renunciou ao acento nin á súa identidade galega.
O alumnado de francés, baixo a dirección de Rosaura Rodríguez García, iniciou o labor de investigación na biblioteca.
No marco do proxecto Tecendo Identidade(s), vén de nacer o 7º club de lectura deste curso! Promovido e coordinado polo Equipo de Igualdade, está concibido como un espazo de recoñecemento no que o noso alumnado se sinta acompañado e conte coa compliciade dos iguais e dos adultos na construción da súa identidade.
Onte acompañounos Nee Barros, durante tres horas! Falamos da vida, da necesidade de ser quen queiramos ser, e tamén do seu libro Identidade que escribiu cando cursaba 3º de ESO.
Unha tarde inesquecible, que agardamos vaia fornecendo dos vimbios necesarios para a construción dun mundo máis libre e máis respectuoso coa diversidade.
A nosa compañeira Marian Rey está a traballar este sector dentro do proxecto TecendoIdentidade(s) Nesta ocasión contamos cunha charla impartida pola directora da Escola de Enxeñaría de Minas e da Enerxía da Universidade de Vigo, que permitiu, abordar a explotación sostible dos espazos mineiros así como a súa recuperación ao remate da explotación. Asemade, permitiu reflexionar sobre a escasa presenza de mulleres neste sector e as súas causas.
Dende antano a minaría forma parte do noso patrimonio: estaño na Idade de Bronce, ouro aproveitado polos romanos, wolframio, ferro, chumbo…Pero tamén a pedra que labraron os nosos canteiros, a lousa e a tella… Materiais de noso cos que fomos quen de xerar unha industria moderna, punteira no mercado mundial, e da que cómpre sentírmos fachenda.
Conmemorar a barbarie, amosala para evitar que se volva repetir, velaquí o principal obxectivo da exposición que hoxe inauguramos na Biblioteca do IES Xelmírez I.
Realizada polo profesorado de alemán (Sagrario Torrado- Laureano Araújo), Historia (Lucas Espasandín- Alba Serén) e Filosofía (Uxía Martínez Suárez), no marco do proxecto Tecendo Identidade(s), dá a coñecer o que lles aconteceu aos xudeos alemáns na década dos anos 30.
A mostra, aberta a toda a Comunidade Educativa, organízase arredor de catro temas:
Ademais, unha parte da exposición pon en relación as xuderías galegas e as do conxunto da Península Ibérica co destino sufrido polos xudeos do Holocausto. Estes, expulsados en 1492, fuxiron a Grecia, Turquía e Europa do leste, levando canda si a nosa cultura, e volvendo sufrir alí a persecución nazi.
A exposición agocha moita información relevante baixo os códigos QR de cada un dos paneis. Curiosas son as historias das xudarías galegas e curiosa e cruel a historia dos sambenitos de Tui: 5 lenzos, con 14 penitenciarios; as teas, adornadas coa cruz de Santo André, teñen na parte inferior o nome da persoa, o ano do proceso e a acusación de xudeo.
