Despois de entrevistar a mulleres matemáticas destacadas de hoxe, o alumnado de 2º ESO buscou información e elaborou carteis sobre matemáticas do pasado que contribúan a erradicar a invisibilización histórica da muller neste campo.
O traballo forma parte da nosa identidade. O alumnado de 2º ESO e 3º ESO nas materias de Valores Éticos e Relixión traballou en grupos para averiguar cales son os factores que máis definen a unha persoa, e se o xénero aínda determina a nosa profesión e as nosas afeccións.
Seguen manténdose os estereotipos? Os resultados son sorprendentes ou, se cadra, non tanto.
A análise da nomenclatura do rueiro compostelán permitiulle ao alumnado de 2º ESO detectar discriminacións de xénero e reflexionar sobre como construímos pensamento e, polo tanto, identidades en base a unha tradición cultural. Elas e eles tiveron ocasión de mudar a historia e propoñer nomes alternativos de mulleres galegas de distintas épocas e distintos ámbitos. O 70% das rúas teñen na actualidade nomes de home!
Identidade e cidadanía son dous conceptos que camiñan da man na historia contemporánea.
O alumnado de 4º da ESO do IES Xelmírez I, dirixido pola súa profesora Judith Carbajo, investigou a evolución do discurso dos dereitos humanos o papel que acadan homes e mulleres dentro deste camiño de conquistas, apoios e atrancos cos que contaron. Descubriron como se foi construíndo o discurso identitario e democrático.
Neste camiño de descubertas, foron elaborando o seu propio libro! Nel parecen recollidas identidades de xénero e outras excluídas da Historia.
Para rematar este ciclo de entrevistas que tanto nos achegou, deixámosvos aquí coa decana da Facultade de Matemáticas.
Un dos temas abordados na xuntanza foi a preocupación pola presenza feminina nesta carreira e se se están a desenvolver medidas neste sentido.
